Ukwahlukana
akusobe kuphinde kufane
ndlela-ntle mthile ka Nantsi
ixesha olichithe nathi liyancomeka
usibonis'uthando nentlonipho
sohlala sikucinga
wohlala ungumhlobo
sophinda sibonane kwakhona
hamb'ungasilahli
Ikhaya likhaya
kaloku lent'iyindod'ihlala-hlal'ikhumbule
lent'iyindod'ihlala-hlaligoduke
xasihlangana asinanjongo zokwahlukana
kwamthetho singamaphuth'ahlathi-nye
namhlanje kuvalwa amasango ovuyo kum
kuhluthwa obendikubolekiwe
ndilahlelwe ngesingqala neenkumbulo
nathi ndoda silindiwe, kumnandi sohlukane ngoxolo
hamba ke kwedini wenjenje ya
kalok'wimikhosi yooyihlo yeyakho
kaloku lent'iyingqonday'igqobhoki
z'uxhawule kumawen'uwarhabulis'apha
ulihambil'ilizw'uzibon'ilintlanga
zithethil'izidwesha nezidwangube zayigabul'indlela
kewen'uzuchul'ukunyathela
z'ungadwanguz'akuvunwa mbotyi
kaloku isidim'asosulel'asingomafutha
nembeko ayibolekis'aylozembe
uzuzigcinele zona ke nto ka Nantika
No comments:
Post a Comment