Imazi ewasakazi kabawo (the cry unto the dead leaders)

Namhla nje usapho lwe Africa lofa yindlala,

namhlanje isizw’ esimnyama sovukelana. Ngoba kaloku lanyil’ithole lemaz’ewasakazi. Kaloku le yimaz’emabele mathandathu. Nguwaloty’owalotyolwa ngegazi lemidaka yomgquba neentokaz’ ezibhinqa ngenyaniso nentshisakalo yobuntu bendl’entsundu kwizizwe zehlabathi Uwalotywa yimaz’emnyam’enebal’elimhlophe kabawo. Yimaz’ebifudul’isaziwa ngokohlisa, int’etsho ngomfaneleko yasuka yathinjwa ngabeentlanga ooqhina ka qhonono namaqotha-qikili arhashalala. Amasela, oomathunz’amnyama. bambile uWalotywa, bayibanga inlomo kabawo. Basithengisela baphinda bayibopha sibabukele.                                                                      

Kunamhlanje nje lemaz’iyabuthisa kunamhlanje nje sifa yindlala. Ingaba yimbalela kusini na Fudula singumbangasini ngobutyebi, xa kunamhla amathole abhadula nabezizwe imvula ina kwiintaba zokhahlamba kuphela yini na bantwana bomz’ontsundu. Kaloku yeyel’imaz’ekudal’iphothulel’izizwe zonke masisukume nemivalo sonke kuba kungoku nje iqungquluze elwalwen’elisezantsi kweengxangxasi. Imibele incancwa yimfene. Kubi Mz’omhle sondelani nisihlangule kuba sakutyeka sijanyelwa yinyushu nerhambel’ingqoqo irhamba lasemzin’elineentlokw’ezintath’elingafiyo

Zizwe ze Africa yivan’ukunxakama kwemaz’endala kabawo. Madoda imibel’ibhungxile nantso imaz’enobubel’inxakam’ebukhatsha-khatshen’ingenakuphuma. Kazi aphin’amadoda, kuba zihambil’izinj’ezaziwa ngokulanda zaselathisa kwasuka kwadingek’amakroti. Yabhonga madod’ibhedulul’amehlw’amhloph’ibhikicwa yimfen’engenantloni. Wasuk’umalus’othembekileyo wagigitheka. Hlobo luni na lweenkokheli ezi zingakhathaliyo? Hlanga luni na olu lukhohlakele kangaka? Ndinesingqala, ndiyajwaqeka, ndiyabibitheka ndingcungcuthekiswa yinkohlakalo ekoliswe kwisizukulwana esimnyama kumhlaba wooyise. Kunamhlanje nje andilali ndiphekwa ndisophulwa ziinjongo zika Solomon Mahlangu. Ndikrazulwa kukucinga ngenxaxheba yolutsha luka 1976. Ndilala ndivuka ndibon’uMahlang’etyhonywa ngumbuso wocalu-calul’ePitoli. “My blood will nourish the trees that will bear the fruits of freedom, tell me people that I love them they must continue fighting” kodwa namhlanje umntwan’omnyam’uyazingelwa. Namhlanj’umntwanomnyam’akavumelekanga ukuma Phakathi kwamapolisa ngoba wazalwenetyala. Hlanga luni na olu lucinezela abantu balo?

Hlanga luni na olu lubulala ulutsha lwalo? Izolo oku bekumnyama urhulumente ongenaBuntu waboph’utata nomama sagcwalistalato. Lwema ulutsha lwathu unotshe u1976 utsho yaye nenyushu ngokwayo iyamngqina. Kodwa namhlanje urhulumentu omnyama welizwe elisemaza ntsi e Africa uxhaph’igazi lwabantwan’abancinance. Akukho nkang’idubul’ingethi lo ngumalus’othembekileyo ozingcayo kodwa yhey” baphelil’abantwana bemfene ngudyakalashe. UCKAR, TUT, UWC,UCT,Wits,CPUT, NMMU,UL kulapho balumlele khona bonk’abafazi belilizwe, kutheni?

Kutheni Mzantsi Afrika? Kutheni lento kumaziko-mfundo kumanzi zinyembezi? Kutheni kwabomvu ligazi leemveku? Mzantsi Afrika ndinombuzo. Maze sibuze kubanina nge Marikana?  umolus’othembekiley’uqhub’iimaz’ezinxakamayo nkqi ukufun’amathole iimaz’ezi Nco ezaziwa ngobisi zisengelabantwana basemzini. Yini na masim’amnyam’achunyiswe ngumgquba wokhokho? sibuze kubani na nge State capture? Yini na kaloku mabandla ndini esizwe esintsundu ukuba nilucinezele usapho lwenu? Akungebi sistructural violence kusini na esi Mzi ka khokho? Kutheni ingathi siyalahleka nje? Ingaba yindlala na? ngumona kusini bethu, okanye yingqumbo yeminyanya?

Kuphel’inyaniso kwasal’ubunkokheli yini na zinkosi zam? Ingaba oku kukuphela kwentembeko yini na? kunamhlanje ndiswel’uyiqonda? Kunamhlanje ndila ukuvuma kunamhlanje ndiyakriniza ndithwel’inyeke ndithi hay mawethu masibuyelen’embo. Makesiyen’obuza kookhohlel’esingeni, oosiyazi namanyange. Uyihlahlil’indlela kalok’umfo ka Jonas wathi mawethu sekunje kwilizwe loobawo nasuka nambetha ngoyaba. Yath’indlezana ka Madonsela mawethu ndilihambile ndebuya noku zath’iingcuk’uyathakatha. Waphakam’u Julius Malema no Bantu Holomisa bathi hayi khona wath’umbuso wamaqhwangi niphambene. Yagug’inxili yesizwe zabhokoxek’iipokotho zabasebenzi kuphunywa kungenwa kwiinkundla zeli lizwe. Zaphithizel’izinxibamxhaka zafun’umhlola wath’u advocate Dumisa Ntsebeza bananje sinijongile kwasuka kwaxakek’iinkcuba buchopho nezidwangube ludaba le Nkandla ne State Capture. Wath’u Chief Justice lent’ayisixakanga ntonje siqhutywa ngumgaqo-siseko weli lizwe. 2016 yedwa wanyuk’umnqantsa we Mount Kilimanjaro umgaqo-sisek’ovunywa zizizwe zehlabathi ngodaba lwe corruption and fraud. Sithini Qamata? Wantyiloz’u advocate Dali Mpofu ngesimbonono nesijwil’esiphum’e Transkei. Wabhomboloz’u Josph Mathunjwa kwi TRC ka Arch bishop Ian Falam’enikez’uxolelo kurhulumente wengcinezel’owabulal’abasebenz’ezi mine for R12500, wanikin’intloku Falam wang’uyalunywa bamembathisa wathi yabalala. Izinja zahlab’ukhulungwan’emva kwe Union Building cwathi bhence. Yath’inyoka yiyani namahobe kwi commissions of enquiry nizohlanjululwa. Zakhul’iinkedama zagcin’isingqala nge Marikana Massacre ka 2012.

Saphinda sophuk’isitya sodongwe senkululekw’engena ntliziyo. Entliziyo yay’ ifukanywe kubuhlungu berhamba lezizwe. Izizw’ezikhohlakeley’ezihlafun’omongo bama Afrika zilumela ngegazi lomsebenz’o ntsundu. Zatatsalaz’iimveku sijewula zixel’iimbila. Lath’irhamb’elimnyam’elineendevu Students Must Fall, wath’u Mbuyiseni Ndlozi madal’awazinto. Wadilik’umbus’obufudul’utshilentla kwiindibano zezizw’ezimanyeneyo kwasuka kwafuduka neentloni zayotshon’elwandle zaxel’amadimon’ephum’ezihagwini. Kwathu ICC Must Fall. Waphutshuk’umsila kudyakalashe madoda, eyi kazi libheka phina eli lizwe.

Lanyikim’ilizwe loMzantsi Afrika yaphel’imali yerhaf’ithengizixhobo zokubulal’abafundi kwii Dyunivesity zeli. Yath’i EFF sikuyo lempi Fees Must Fall, yath’i ANC students Must Fall yathi yan’i DA vulelanamasango thina sinemali sibe sifunda. Ndithini Mz’ontsundu? Nditheth’inyaniso kusini na? ingaba inyaniso yiyona niyinyamezelayo kunobuxoki?

Siyibonil’i EFF student command, PASMA ne SASCO zibhinq’omfutshane zisithi #FessMustFall DASO dololo. Zazalela phants’izisele zoMzantsi Afrika ziimveku zishiy’iphepha neentsiba phezukwedesika. Wasuka urhulumente wengcinezelo wajika amaziko-mfundo wawenz’izikhululo zamapolisa. Ngurhulumente onjani lona? Sivakel’isimbonono semfundo yasimahla sivela kuzo zonke iiDyunivesity zeli lizwe wasuka urhulumente ongena nkathalo wasigalel’amanzi. Savakal’isijwili nencwina bengcungcuthekiswa abantwana bamakhosikazi amnyama ngurhulumente we “Ntando yesininzi” eMzantsi Africa. ingalo yomthetho enoboya yeli lizwe yamtsikila umntwana womntu ontsundu saza sathi no, we are weeping for this generation.

Sililela isizukulwana esilixhoba lombuso wentando yabantu. We are crying for the generation that is not allowed to fight for their rights. Thanks to Nosiviwe Mapisa-Nqakula, the Minister of Defence for the refusal to the killing that was requested to take place in our universities. The generation that is not supported by their parents. Bakhala bajwaqek’abasebenzi belil’elabantwana babo, kodwa bavalw’imilomo Yi COSATU’engenabunkokheli.

We are weeping for the stigmatised liberation movement of this generation that get 0% support from the society hence it has managed to unite black students. Today the foundation of the Union Building is shaking, just by the blow of our breath. Kutheni Mzantsi Afrika.

Lilizwe lethu eli, we were given even freedom, but today the youth sees no leaders. In 1976 were chanting about the leaders of their days besithi Sobukwe Sikhokele, nank’u Mandela. They knew that freedom was about to arrive, they had all the support from the African Nation. Kodwa iimveku zanamhlanje ziqamela nganqindana-nye kwiintolongo zezaphuli-mthetho zeli lizwe. Aba ngabantwana beempula zika lujaca ezatshata nepeki zikhulis’uqoqosho lweli lizwe. Namhlanje ulutsha lufun’isity’emnyameni. Kubi ndiva loontsholo ndigugutha kumathambeka namagoph’aseNciba umlisela nomthinjan’ukhwaz’uSolomon Mahlang’owaxhonywa ngurhulumente wobandlululo ngenxa yenkululeko yesizw’esimnyama. Kutheni Mzantsi Africa? bekungasekho nempunde na? bekungasekho nehlumelo na? xa kunamhlanje khwaz’u Chris Hani’owabulawelw’ubom’obungcono babantu’abamnyama. Why should the youth call to the dead leaders South Africa?